ضَوِّ الشَّمسْ إِلنا وبَسْ
قَلْبِ الْقُدْسْ إِلنا وبَسْ
تياب العُرْسْ إِلنا وبَسْ
إلنا وبس نرسُم ونشخبط ألوان
حاكورة وشجرة رمان
وفراش وأم سليمان
وكلو هدا إلنا وبس
إلنا وبس ياللا نلعب ياللا نطير
ونسابق كل العصافير
كل الكون يصير زغير
وورداتو لإلنا وبس
إلنا وبس نقطف نجمة عالسُّكّيتْ
ونبني من حواليها بيت
تضوي العتمة من غير زيت
وتصاحبنا إحنا وبس
إلنا وبس نْصُفّ حْجَار بجنب حجار
شوي شوي يصيرو دار
ولما يزقزق الوروار
غنواتو لإلنا وبس
إلنا وبس إلنا الغرب وإلنا الشرق
إلنا المطرة وإلنا البرق
ولد وبنت وما في فرق
الحياة لإلنا وبس
إلنا وبس |
